DILI, 13 Jullu 2026 (GCI-MJDAC)—Atu hetan asistensia diak iha atividade plenaria membrus Parlamentu Foinsae Nian (PFN periodu 2024-2026), Dirasaun Nasional Asosiativismu Juventude (DNAJ) no Asosiasaun Parlamentu Foinsae Timor Leste (APFTL), Segunda (13/07), fo kunesementu konaba oinsa fo asistensia iha sesaun plenaria, ne’ebe sei realiza iha 27-28 Juilu 2026.

“Ita fo formasaun kunesementu ba asistente nain 28 hodi bele fo asistensia ba membrus PFN sira iha plenaria iha loron 27-28 Juilu,” infor Abrao do Rego nudar formador, hodi hatutan, “Asistente nain 13 husi MJDAK no 15 husi APFTL.”

Tuir Abrao,  objetivu formasaun ne’e mak asistente nain 28 iha kuñesimentu naton hodi fo asistensia fila fali ba membru  sira iha plenaria PFN nian ne’ebé tuir planu sei realiza iha loron 27-28 fulan Jullu,  Tanba ne’e, abrao konsidera,  MJDAK mak sai  na’in ba atividade ho nune’e tenki involve mós ekipa iha atividade ne’e atu bele organiza no fasilita atividade plenaria ba membru PFN nian ho di’ak. 

Partisipa iha formasaun ne’ebe halao iha Salaun Uma Nahe Biti Boot MJDAK ne’e, Diretur DNAJ, Florindo Napoliao, Xefi De[artementu Fortalesementu Organizasaun Juventude, Jacinto Ximenes no staf sira. 

#MediaMjdak