DILI, 20 Agostu 2025 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento (NIS), ohin partisipa iha serimónia boot komemorasaun Loron Nasionál FALINTIL ba dala 50 iha Tasi Tolu, Dili.

Loron 20 Agostu 2025 marka aniversáriu istóriku dahuluk ba Forças Armadas da Libertação Nacional de Timor-Leste (FALINTIL), ne'ebé harii iha tinan 1975. Komemorasaun ne'e nu'udar selebrasaun ba istória rezisténsia no patriotizmu.

Xefe Estadu Preside Serimónia

Serimónia komemorasaun ne'e preside husi Sua Exelénsia Prezidente Repúblika, Dr. José Ramos-Horta, nu'udar Komandante Supremu das Forças Armadas, ne'ebé halo revista ba formatura FALINTIL nian.

Prezensa Ministru NIS iha eventu ne'e hatudu kompromisu Governu Konstitusionál IX nian, liuhosi MJDAK, atu asegura katak valór istóriku FALINTIL nian, liuliu kona-ba patriotizmu no disiplina, sai nu'udar legadu importante ba jerasaun foun no juventude Timoroan.

Komemorasaun ne'e hetan partisipasaun husi líder no entidade importante nasionál no internasionál, inklui:

• Primeiru-Ministru Kay Rala Xanana Gusmão (lideransa Governu nian).
• Xefe Estadu Maiór Jenerál F-FDTL, Tenente-Jenerál Falur Rate Laek.
• Ministru Defeza, Pedro Klamar Fuik.
• Vise-Primeiru-Ministru I no II, hamutuk ho Membru Governu sira.
• Komandante sira husi nasaun Amigu sira, hanesan CEMGFA husi Portugál, Indonézia, Brunei Darussalam, Malázia, Nova Zelándia, Kanadá, Fiji, no Kamboja.
• Eis-Xefe Estadu Maiór Jenerál F-FDTL, Tenente Jenerál (REF.) Lere Anan Timur.
• Ofisiál F-FDTL, PNTL (Komisáriu Jenerál PNTL), Membru Parlamentu Nasionál, PDHJ, no KAK.

Komemorasaun FALINTIL nian la'ós de'it atu hanoin fila fali, maibé atu inspira juventude atu kontinua dedika aan ba dezenvolvimentu no estabilidade nasaun nian.

#MídiaMJDAK