DILI, 25 Jullu 2025 – Dili simu ho laran-akompañamentu no respeitu boot Sua Exelénsia Dr. Celso Vaz do Nascimento Matos, Médiku Ortopedista no Ministru Saúde no Desportu husi Repúblika Demokrátika São Tomé no Príncipe. S.E. Ministru to'o ona iha Timor-Leste hodi partisipa iha Konferénsia Ministru Juventude no Desportu CPLP (CMJD-CPLP).

Prezensa S.Exa. Dr. Celso Vaz, ne'ebé mós nu’udar membru relevante iha Sociedade Ortopedista CPLP, hatudu apoiu no solidariedade ba relasaun multisetoriál iha Komunidade ba País Lian Portugés (CPLP), inklui área juventude, desportu, no saúde.

Chegada Ministru ne'e marka kompletu ona kedas chegada delegasaun husi nasaun membru sira hotu atu partisipa iha enkontru ministru sira nian iha loron 27 Jullu 2025.

Konferénsia sei Foka ba Kooperasaun Multisetoriál

CMJD-CPLP sei fó plataforma ba diskusaun importante sira kona-ba: Dezafiu no oportunidade sira iha realizasaun XII Jogos Desportivos CPLP 2025. Planu ba edisaun Jogos CPLP tuir mai iha Brazíl. Reforsa kooperasaun multisetoriál iha CPLP.

Prezensa Dr. Celso Vaz fó sinál klaru kona-ba espíritu kolaborativu no hametin uniaun CPLP, liuliu iha interligasaun entre setór saúde, juventude, no desportu.

#MídiaMJDAK