DILI, 27 Agostu 2026, GKI—Embaxador Uniaun Eropa (UE) ba Timor Leste, Thorsten Bargfrede apoia programa emprendedorismu dijital iha Timor Leste tanba konsidera programa ne’e nudar potensialidade hodi dezenvolve foinsae sira nia nia kreatividades ekonomia.

Estatementu apoia embaixador UE ba programa emprendedorizmu dijital ne’e, wainhira halao sorumutu ho Ministru Juventude Desportu Arte no Kultura, Nelyo Isaac Sarmento, Kinta (27/08), iha Edifisiu MJDAK, Lecidere, Dili.

Sorumutu kortezia entre parte UE no MJDAK ne’e, konsidera potensial sira  ba kooperasaun entre Union Europeia ho MJDAK kona-ba dezenvolvimentu juventude, desportu, arte no kultura.

Parte MJDAK solisita ba Uniaun Europeia atu fó apoio iha área emprendedorizmu dijital ba juventude sira no  dezenvolvimentu setor desportu, arte no kultura, tuir  planu prioridades hirak ne'ebé trasa ona iha Planu Mediu Prazu MJDAK nian ba 2027 to'o 2030.

 Nune’e Embaixador Bargfrede, promete prontidaun Uniaun Europeia nian hodi apoiu dezenvolvimentu portofolio relevantes ministériu nian tuir kapasidades rekursus no prioridades estratejiku UE nian.

Ministru Juventude, Desportu, Arte no Kultura (MJDAK),  Nelyo Isaac Sarmento, akompaña husi Sekretáriu  Estadu Arte no Kultura,  Jorge Soares Cristovão no Assessor Gil da Costa iha  reuniaun kortezia ho Embaixador Union Europeia iha Timor-Leste (UE).  Thorsten Bargfrede. Reuniaun ne'e realiza iha eskritóriu Senhor Ministru nian.   #MediaMjdak#