DILI, 26 Jullu 2025 – Sua Exelénsia Vise Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Sr. Francisco Kalbuadi Lay, halo ona enseramentu ba kalan kultura no feira ne'ebé sai parte importante husi XII Jogos Desportivos CPLP 2025. Atividade furak ida ne'e hala'o iha Centro de Convenções de Díli (CCD), ne'ebé nakonu ho kolen kultural no saboráriu.

CCD Sentru Selebrasaun Riku-Oin Kultural

Durante kalan ne'e, CCD sai sentru ba selebrasaun riku-oin kultura husi nasaun membru CPLP nian, hodi fó oportunidade únika ba partisipante sira, delegasaun, no públiku jerál atu asesu ba:

• Espetákulu Muzika no Dansa Tradisionál: Espetákulu hirak-ne'e hatudu duni identidade kultural úniku husi nasaun CPLP sira.
• Feira Gastronómika: Hahán tradisionál oioin konvida vizitante sira atu esplora sabor sira husi komunidade lusófona nian.
• Expozisaun Produtu: Produtu artesanatu no arte tradisionál ne'ebé hametin ligasaun kulturál no komersiál.

VPM Kalbuadi Lay: Promove Diálogu Interkulturál

Iha ninia intervensaun, VPM Francisco Kalbuadi Lay subliña importánsia husi inisiativa sira hanesan ne'e atu la'ós de'it selebra desportu, maibé mós promove diálogu interkulturál no hametin unidade entre povu CPLP nian.

Kalan Kultura no Feira ne'e sai prova ida katak Jogos CPLP la'ós de'it kona-ba kompetisaun desportiva, maibé mós hanesan plataforma ida ba koñesimentu, amizade, no selebrasaun ba diversidade kultural. MJDAK apoia tebes inisiativa hirak-ne'e hodi valoriza arte no kultura nu'udar meiu ba dezenvolvimentu.

#MídiaMJDAK