DILI, 21 Jullu 2025 – Ohin, loron 21 Jullu, S.E. Jorge Soares Cristovão, nu'udar Koordenadór Jerál Jogos CPLP no mós Sekretáriu Estadu Arte no Kultura (SEAK), loke ona ofisiálmente kompetisaun Xadrez (Catur). Atividade ne’e hala’o iha Centro de Convenções de Díli (CCD) iha ámbitu XII Jogos Desportivos CPLP 2025.

Kompetisaun Xadrez ne'e sei hala'o durante loron tolu (3), hahú ohin to'o loron 23 Jullu 2025.

Kompetisaun Xadrez ne'e envolve nasaun membru CPLP hamutuk neen (6), ne’ebé sei hatudu sira-nia estratejia no matenek hodi manán jogu:

·       Kabu Verde

·       Mozambike

·       Angola

·       Portugal

·       São Tomé no Príncipe

·       Timor-Leste

Atleta sira hotu prontu atu hatudu sira-nia estratejia no pensaun ne’ebé rápidu iha meza jogu. MJDAK husu ba públiku atu mai apoia atleta sira hotu iha kompetisaun intelektuál ne’e.

#MídiaMJDAK