Dili, 01  Maio  2026 (GCI/MJDAK) - Ministru Juventude, Desportu, Arte no Kultura (MJDAK), Exelénsia Nelyo Isaac Sarmento, haksolok hodi akompaña serimónia entrega sertifikadu ba RYLArians na'in 84 ne'ebé finaliza ho susesu sira-nia jornada lideransa iha programa RYLA (Rotary Youth Leadership Awards) Timor-Leste 2025.

Serimónia ne'e marka konklusaun ofisiál husi prosesu formasaun lideransa ne'ebé intensivu, inklui implementasaun projetu servisu komunitáriu husi partisipante sira — demonstrasaun konkretu husi kapasidade no kompromisu joven Timor-Leste nian.

MJDAK espresa apresiasaun ba dedikasaun no determinasaun RYLArians sira nian ne'ebé konsege finaliza programa formasaun lideransa no implementa projetu servisu komunitáriu ho susesu.

Ministériu rekoñese mós kontribuisaun parseiru estratéjiku sira ne'ebé halo programa ne'e posível: The Asia Foundation, Uniaun Europeia, no Pertamina. Rekoñesimentu espesiál ba RENETIL ba nia papel iha sosiedade sivíl, no ba orientasaun Sua Exelénsia Primeiru-Ministru Kay Rala Xanana Gusmão no Vise Primeiru-Ministru Engenheiro Mariano Assanami Sabino.

Juventude Inovadór, Futuru Naroman!