DILI, 15 Agostu 2025 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, ohin lidera reuniaun importante ida ho Diresaun Nasionál Patrimóniu, Loístika no Infraestrutura (DNPLI) no diresaun relevante sira hodi foka ba desportu nasionál.
Reuniaun ne'e nian objetivu prinsipál atu aselera servisu no garante katak planeamentu MJDAK nian bele atinje objetivu iha tinan 2025.
Prioridade ba Infraestrutura Prontu
Ministru Nelyo Isaac Sarmento fó orientasaun hodi aselera prosesu reabilitasaun ba fasilidade desportiva sira iha teritóriu laran tomak:
"Ita presiza fasilidade ne'ebé prontu atu suporta liga no fó espasu adekuadu ba atleta sira," Ministru Nelyo Sarmento hateten, hodi subliña katak infraestrutura di'ak nu'udar baze ba dezenvolvimentu desportu.
Preparasaun ba Eventu Nasionál no Internasionál
Reuniaun ne'e mós diskute kona-ba eventu importante sira ne'ebé sei mai iha tinan 2025:
Eventu | Detalle |
Festivál Nasionál Desportu (FND) | Sei realiza iha Dili, ho modalidade hamutuk sanulu (10), inklui desportu olímpiku no tradisionál (hanesan Hana Kalik no Tutur Sanan Rai). |
ASEAN Games | Ministru husu hodi hasa'e preparasaun ba atleta sira ne'ebé sei partisipa iha ASEAN Games, ne'ebé sei hala'o iha Tailándia. |
Fronteira Cup | Sei realiza iha Munisípiu Covalima iha fulan-Outubru. |
MJDAK Cup | Sei organiza kompetisaun iha modalidade Basketball no Taekwondo (mane no feto). |
Kompetisaun Futebol | Prepara hodi lansa kompetisaun Terseira Divizaun Futebol. |
Reuniaun kordenasaun ida-ne'e hatudu MJDAK nia kompromisu atu hadi'a jestaun, reforsa infraestrutura, no fó apoiu lojístika ba atleta Timoroan sira hodi atinje susesu iha nível nasionál no internasionál.
#MídiaMJDAK
MídiaMJDAK
15 - 08 - 2025
fahe ba facebook
MINISTÉRIO DA JUVENTUDE, DESPORTU, ARTE E CULTURA
SECRÉTARIO ESTADO ARTE E CULTURA
