DILI, 07 Setembru 2026, GKI---Ministru Juvventude, Desportu, Arte no Kultura (MJDAK), Nelyo Isaac Sarmento (NIS) alerta ba kargus funsional hotu iha MJDAK tenke disiplina no koloka an iha kualker posizaun wainhira halao serbisu atendementu publiku nian.

Ministru MJDAK alerta iha Insar Bandeira Nasional iha resintu MJDAK, ba fulan Setembru 2026 nian,  Segunda (07/11).

“Kargu Xefia sira tenki hatene oinsá atu koloka nia an iha kualker pozisaun ne’ebé nia responsabliza iha instituisaun ida iha ita nia funsionáriu no parseiru sira ne’ebé mak iha atu hetan atensaun husi ita. Tanba ne’e ba Diretór no Kargu Xefia sira hotu ita boot sira nia atetudi no hahalok mak sei reprezenta instituisaun estadu ida nian liu-liu reprezenta instituisaun wainhira hala’o atividade tun ba iha terenu hodi halo monitorizasaun ruma tenki kumpri guia da marsa ne’ebé iha tanba instituisaun estadu sira iha mós kontrolu husi instituisaun seluk ho ida ne’e ita fo hanoin malu atu disiplina,”  Nelyo Isaac alerta.

Ministru Juvventude, Desportu, Arte no Kultura (MJDAK), Nelyo Isaac Sarmento akompaña husi  Sekretáriu Estadu Arte no Kultura (SEAK), Jorge Soares Cristovão hato’o asuntu ne’e hafoin sai Inspetur Insar Bandeira Nasional   fulan Setembru.   

Partisipa iha serimonia isar Bandeira ne’e mai husi Diretór Jerál, Diretór Nasionál no Kargu Xefía no funsionariu publika sira husi MJDAK no SEAK nian.  #MédiaMjdak