DÍLI, 21 Jullu 2025 – Kompetisaun Taekwondo iha ámbitu XII Jogos Desportivos CPLP 2025 marka momentu istóriku ida ba Timor-Leste. Atleta feto Timor-Leste nian manán medalla Osan-Mean (Ouro)dahuluk iha kategoria 46 kg, hodi marka medalla dahuluk ba nasaun uma-na’in iha jogu ne’e.

Vitória istóriku ne’e fó motivasaun boot ba Delegasaun Timor-Leste nian iha Jogos CPLP 2025.

Rezultadu Kompletu Kategoria Inisiál

Atleta sira husi nasaun CPLP nian hatudu ona kompetisaun ne'ebé intensa iha loron inisiál Taekwondo nian.

Rezultadu Medalla Inisiál (21 Jullu):

Iha kategoria Mane 55 kg, Timor-Leste mós hetan susesu boot hodi manán medalla Osan-Mutin, enkuantu Portugal manán medalla Osan-Mean.

Kompetisaun Taekwondo sei kontinua tuir ajenda iha loron 22 Jullu, ho jogu sira iha kategoria 49 kg (Feto) no 51 kg (Mane).

#MídiaMJDAK