DILI, 17 Agostu 2025 – Sua Exelénsia Sekretáriu Estadu Arte no (SEAK), Jorge Soares Cristovão, ohin lansa ofisiálmente inisiativa Kafe Móvel no halo abertura ba Manifestasaun Artístika iha Largo Lecidere, Dili.

Atividade ne'e organiza husi Lutu Organizer Crew hamutuk ho Sekretaria Estadu Arte no Kultura (SEAK), hodi hatudu kompromisu Governu Konstitusionál IX nian atu implementa programa ne'ebé fó valór ba arte, kultura, no dezenvolvimentu ekonómiku lokál.

Selebrasaun Arte no Dezenvolvimentu

Serimónia abertura ne'e nakonu ho aprezentasaun husi múzika, arte pintura, no arte eskultura, ne'ebé hatudu duni riku-oin talentu hosi artista Timoroan sira.

Iha ninia intervensaun, SEAK Jorge Soares Cristovão subliña katak inisiativa sira hanesan ne'e la'ós de'it atu halo furak fatin públiku, maibé mós atu apoia implementasaun programa Governu nian ne'ebé foka ba:

1. Promove arte no kultura nu'udar pilár dezenvolvimentu.
2. Kria oportunidade ekonómiku liuhosi inisiativa negósiu móvel.

Kafe Móvel nu'udar Espasu Sosiál Foun

Lansamentu Kafe Móvel ne'e sai nu'udar pontu interesante ba públiku, fó espasu alternativo ida ba joven sira atu halibur no troka ideia iha fatin ne'ebé interesante iha Dili.

MJDAK kontinua enkoraja no apoia inisiativa ne'ebé mai husi sosiedade sivíl hodi bele dezenvolve talentu no promove espasu sosiál ne'ebé pozitivu.

#MídiaMJDAK