DILI, 23 Jullu 2025 – Kompetisaun Atletizmu iha XII Jogos Desportivos da CPLP 2025 kontinua intensa iha Estadiu Munisipál Díli. Iha loron Kuarta ne’e, atleta sira husi nasaun partisipante hatudu kbiit maka’as iha prova hanesan Salto Kompridu, Lansamentu Peso, Atletizmu Adaptadu, no Estafeta.

Lansamentu Peso: Timor-Leste Konkista Medalla

Iha prova Lansamentu Peso 5KG (Mane), Timor-Leste konsege haktuir medalla ida hodi lori orgullu mai ba uma-na'in.

Pozisaun	Atleta (Nasaun)	Rezultadu	Medalla
1	Guilherme De Oliveira (Portugal)	14.11m	Ouro
2	Ismael Martinho R. Lopes (Cabo Verde)	10.94m	Prata
3	Carlos S. De Oliveira (Timor-Leste)	10.75m	Bronze

Prova Pista no Velosidade: Kabu Verde no São Tomé Domina

Kabu Verde no São Tomé e Príncipe hatudu performa forte iha prova rezisténsia no velosidade:

• 200 Metru Atletizmu Adaptadu (Feto): São Tomé no Príncipe domina. Adlézia Neto De Assunçao Da Trindade (T13) manán Medalla Ouro (27.62s), enkuantu Adjamila Bomfim hetan Prata.
• 1500 Metru (Femininu): Prova rezisténsia ne'e manán husi Marila Cibelle Rodrigues Delgado (Cabo Verde) ho Medalla Ouro (4:44.90). Atleta Timor-Leste nian, Jovenia Soares Pinto, hetan pozisaun ba-4 ho tempu 5:15.24.
• 200 Metru (Femininu): Cabo Verde kontinua hatudu velosidade hodi manán tan Ouro liuhosi Silvanilda Carina Delgado Gomes (25.23s).

Salto Kompridu (Mane)

Portugal konsege manán tan Ouro iha Salto Kompridu (Mane) liuhosi Samuel Vicente Amaro (6.68m). Atleta Timor-Leste nian, Veldenizio Correia De Jesus, hetan pozisaun ba-4.

Kompetisaun atletizmu kontinua hatudu espíritu desportivu no talentu atleta joven sira husi nasaun CPLP nian.

#MídiaMJDAK