DILI, 17 Maiu 2026 – S.E. Ministru Juventude, Desportu, Arte no Kultura (MJDAK), Nelyo Isaac Sarmento, ofisialmente deklara katak modalidade Atletizmu sai hanesan prioridade estratéjika ba Governu hodi halo investimentu boot liu tan iha futuru. Deklarasaun ida-ne'e hato'o iha enserramentu Kampionatu Nasionál Atletizmu ne'ebé hala'o ho susesu iha Estádiu Munisipál Dili, ho apoiu máksimu husi MJDAK.

Tabela Klasifikasaun Final Medallha

Orden Munisípiu/Instituisaun Oru        Prata Bronze

I Munisípiu Ermera                     11 11 12

II Munisípiu Dili                            5 6 1

III Munisípiu Manatuto                  2 - -

IV Munisípiu Baucau                       1 1 -

V Munisípiu Ainaro                       1 - 1

V Munisípiu Aileu                        - 3 -

V RAEOA – Oecusse                        - 1 1

V Munisípiu Manufahi                   - 1 1

V Munisípiu Bobonaro                - 1 2

VI Munisípiu Lautém                        - - 1

VI Munisípiu Viqueque                - - 1

VI Munisípiu Likisá                        - - 1

VII Munisípiu Ataúro                       1 - 1

VIII Instituisaun UNTL                       1 2 1

Munisípiu Ermera sai kampiaun ho  medallha oru 11, prata 11, no 12 bronze, hatudu dominasaun iha kategoria jerál. Munisípiu Dili iha 5 oru, 6 prata, no 1 bronze, seguido husi Manatuto ho 2 oru.

Iha diskursu nian, Ministru Nelyo enfatiza katak atletizmu hanesan modalidade prioridade ida ne'ebé Governu konserta atu halo investimentu. 

"Atletizmu ne'e hanesan modalidade prioridades ida-ne'e Governu konserta atu halo investimentu, tanba ne'e maka tinan ida-ne'e atletizmu nia investimentu orsamentu ne'ebé ita fó ba atu realiza atividade ida-ne'e, ita kompara ho tinan kotuk nia orsamentu sa'e ba pursentu 80.", dehan Ministru

Nia hatutan, "Modalidade ida-ne'e baibain ona ba labarik sira maibé ita tenke presiza mellora. Tanba ne'e maka kampionatu ba atletizmu nian ne'e ita fó prioridade Munisípiu sira hotu ho nia atleta mai partisipa. Ho kampionatu ne'e ita bele enkoraja atleta sira bele hili modalidade ne'ebé sira hakarak prátika."

Ministru Nelyo mós apela ba atleta sira atu kontinua treinu no hadi'a prestasaun, hodi prepara an ba kompetisaun iha nivel rejional no internasionál. Nia reafirma kompromisu Governu nian atu kontinua aumenta alokasaun orsamentu ba setór desportu, liuliu ba atletizmu, hodi dezenvolve talentu lokál no hametin naran Timor-Leste iha palku internasionál.

Kampionatu Nasionál Atletizmu ne'e sai hanesan plataforma importante hodi identifika no dezenvolve talentu foun iha área desportu, ho partisipasaun husi 13 Munisípiu no RAEOA, hamutuk ho instituisaun sira, ne'ebé hatudu kresimentu pozitivu iha desportu nasionál.

#MediaMjdak