DÍLI, 19 JUÑU 2026 – Ministériu Juventude, Desportu, Arte no Kultura (MJDAK) ho orgullu anunsia finalizasaun ba kompétisaun voleibol iha Munisípiu Viqueque, ne'ebé marka remata seriál jogu iha 12 munisípiu ho total apoiu finanseiru US$ 350,000.00. Programa ne'e organiza hamutuk ho Federasaun Voleibol Timor-Leste (FVTL) no asosiasaun voleibol iha 12 munisípiu, inklui RAEOA.

Objetivu prinsipál husi programa ne'e mak atu buka no dezenvolve talentu natureza husi joven feto no mane iha área rural, hodi sira bele kompete iha nível nasionál ba segundu no primeiru divizaun. Kompétisaun ne'e mós parte husi esforsu Governu nian atu hadi'a desportu baze no fornese plataforma ba joven sira atu hatudu sira-nia abilidade.

Rezultadu Vensedor iha Viqueque:

Kategoria Mane:

DACUATI – 1.º Lugar

FC. AMOR – 2.º Lugar

FEHAN – 3.º Lugar

LICEU

Kategoria Feto:

LICEU – 1.º Lugar

SANES – 2.º Lugar

BAHALARA WAIN – 3.º Lugar

FEHAN

Parabéns ba klube sira hotu! Manan ka lakon, imi hotu mak vensedor tanba imi hatudu espiritu unidade, respeitu, no kapasidade ne'ebé di'ak durante kompetisaun tomak.

Governu, liuhusi MJDAK, kontinua komprometidu atu investe iha desportu baze nu'udar estratéjia prinsipál hodi dezenvolve juventude no hamorin naran Timor-Leste iha área desportiva. Ho finalizasaun série jogu iha 12 munisípiu, MJDAK sei kontinua monitoriza no apoia atleta sira ne'ebé seleciona atu kompete iha nivel nasionál.

Mai ita hotu kontinua apoiu joven sira atu hakruk sira-nia talentu!

#MediaMjdak