DILI, 4 Agostu 2025 – Ministériu Juventude, Desportu, Arte no Kultura (MJDAK), liuhosi reuniaun Konsellu Diretór sira, ohin hala'o sesaun finál hodi diskute no finaliza ninia proposta orsamentu ba Orsamentu Jerál Estadu (OJE) 2026.

Proposta orsamentu ne'e agora prontu ona atu hato'o ba Komisaun Revizaun Orsamentu (CRO) iha Ministériu Finansas, iha loron-Tersa, 5 Agostu 2025.

Tuir ajenda ne'ebé fó sai husi Ministériu Finansas, aprezentasaun husi MJDAK sei hahú iha tuku 11:00 OTL (Oras Timor-Leste). Molok MJDAK, Ministériu Edukasaun mak sei hahú uluk sesaun audiénsia iha loron ne'e.

Finalizasaun proposta OJE 2026 ne'e nu'udar pasu importante hodi garante katak programa Governu Konstitusionál IX nian iha área juventude, desportu, arte no kultura hetan alokasaun fundu ne'ebé sufisiente atu atinje objetivu dezenvolvimentu nasionál.

MJDAK komprometidu atu garante transparénsia no ezekusaun ne'ebé efikásia ba orsamentu Estadu nian hodi promove dezenvolvimentu sosiedade.

#MídiaMJDAK