Aileu, 11 Novembru 2025 – Ministériu Juventude, Desportu, Arte no Kultura (MJDAK), liuhusi Diretór Jerál Juventude (DJJ), Sr. David Tomás de Deus, hamutuk ho Diretór Nasionál na'in-rua hamutuk ho Sentru Juventude AIleu, ohin ofisialmente realiza Semináriu Nasionál hodi selebra Loron Nasionál Juventude ba dala XX. Semináriu ne'e hala'o iha Munisípiu Aileu Vila, Suku Aiserimou.

Partisipasaun Masivu no Fókus Temátiku

Lidera husi DJJ, Sr. David Tomás de Deus, Semináriu ne'e, maski ho tarjetu 250 pesoas, simu partisipasaun liu husi tarjetu hosi joven sira la'ós de'it husi Aileu, maibé mós hosi Munisípiu sira seluk hanesan Ermera, Viqueque, Liquiçá, Lautém, Díli, no Ainaro.

Joven sira ne'e organiza no mobiliza husi Juventude Hadomi Natureza hodi diskute kestaun krítiku:

Estatístika Juventude: Oradór husi Instituto Nasionál Estatístika Timor-Leste (INETL) fahe dadus kona-ba joven kaben sedu no dezempregu.

Saúde Publika: Reprezentante husi SIDA fahe informasaun kona-ba moras HIV-SIDA no dadus afetadu iha Timor-Leste, inklui oradór sira kona-ba isin-rua sedu no kaben sedu.

Dezafiu Dijitál: AJTL (Asosiasaun Jornalista Timor-Leste) ko'alia kona-ba Digital Literacy (Literasia Dijitál) no dezafiu sira.

Rezultadu no Deklarasaun ba Governu

Objetivu prinsipál husi semináriu ne'e maka fahe informasaun ba joven sira no hafoin halo diskusaun grupu tuir temátiku. Diskusaun foka iha problema Juventude nian iha Edukasaun, Empregu, no Empregabilidade iha era dijitalizasaun.

Rekomendasaun no deklarasaun ne'ebé joven sira akumula husi diskusaun sei sai dokumentu ofisiál ne'ebé sei hato'o ba Governu iha serimónia solene iha loron 12 Novembru 2025.

#MídiaMJDAK