LIQUIÇÁ, 30 Setembru 2025 – Ministériu Juventude, Desportu, Arte no Kultura (MJDAK), liuhosi Diretora-Jerál Servisu Koorporativu, Sra. Isabel Adalziza Fátima R. Ferreira, hasoru malu ona ho Prezidente Autoridade Munisípiu (PAM) Liquiçá, Sr. Paulino Ribeiro.

Objetivu prinsipal husi sorumutu ne'e mak atu halo koordenasaun finál kona-ba asuntu Terras no Propriedade Munisípiu nian hodi atribui rai ba Governu (MJDAK). Atribuisaun rai ne'e importante tebes atu realiza planu konstrusaun ba infraestrutura sira tuir mai ne'e:

1.    Konstrusaun Kampu Futsal Multifunsaun ba maluk joven sira.

2.    Planu rehabilitasaun ba Prizaun Aipelu.

Koordenasaun Di'ak Nu'udar Xave Dezenvolvimentu

PAM Liquiçá, Sr. Paulino Ribeiro, hatete katak Autoridade Munisipál apoia totalmente programa MJDAK nian ne'ebé tau ona iha Planu Programátiku 2026.

PAM Liquiçá nota katak inisiativa ne'e nu'udar pasu importante ida hodi asegura dezenvolvimentu infraestrutura desportiva iha munisípiu sira, no mós preparasaun ba prosesu Desentralizasaun Administrativa.

Lian ne'ebé hatudu kooperasaun ne'e afirma katak: Koordenasaun di’ak mak Xave ba Dezenvolvimentuefikás husi programa Governu Sentrál nian iha territóriu laran tomak.

#MídiaMJDAK