WATULARI, 19 Setembru 2026, GKI—Jogus Futebola Tasa Gastao Sousa (GS) iha Postu Uatulari, Munisipiu Vikeke, rezulta FC Kompak sai kampiaun, hafoin halakon FC Rebel United ho skor 3-1.

Ministru Juventude, Desportu, Arte no Kultura (MJDAK), Nelyo Isaac Sarmento enseta jogus futebola ne’e, hodi apela ba foinsae sira, hakarak dezenvolve desportu iha Uatulari entau foinsae sira  tenke respeita no hakuak malu nafatin.

Nelyo Isaac Sarmento subline, prezensa MJDAK  iha jogus ne’e,  laos atu  hare deit enseramentu jogu Gastao Sousa  Cup maibe aproveita observa kondisaun fasilidades desportu nian iha Uatulari.  

“Ita agradese ba ministro Gastao tanba iha inisiativa proprio ho limitasaun aktividade desportu iha Watulari maibe bele hamosu aktividade ida GS CUP, no involve joven sira.  Ida ne'e  mak importante liu ba ita iha prosesu dezenvolvimentu nasional,” Nelyo apresia.

 Maske nune’e, Nelyo apela tan,  hakarak denzelvolvimentu desportiva mai bebeik entau tenke respeita no hakuak malu. “Tanba ita hotu Timor-Leste nia oan, desportu laos halo ita atu sai inimigu maibe halo ita sai unidade hodi oferese rai ida ne'e ne'ebé hari'i ruin ho ran ba  dezenvolvimentu tuir kondisaun no kapasidade ita nian mak liu husi desportu, “.

Nelyo konsidera, Postu Watulari fatin prioridade ne'ebé  tenke dezenvolve kampu liu husi dezenvolvimentu estratejiku ne'ebé iha MPIE nia okos, depois loron ida ita sei mai iha ne'e ba kontrusaun kampu ida ne'e rasik. Tanba ne’e, Nelyo rekomenda, GS Cup bele sai atividades desportu annual.  

Jogus final  ne'e hetan partisipasaun mos husi Ministro Planeamento Investimentu e Estratejiku (MPIE)  Gastao de Sousa, Diretor Ezekutivo FDCH, Komandante Polisia, Autoridade Postu Administrativu Watulari, Xefe Suku Sira no entidade relevante sira  #MediaMjdak