DILIi, 27 Outubru 2026, GKI---Representante Ministeriu Juventude Desportu Arte no Kultura (MJDAK),  Diretur Jeral Desportu, David Tomas de Deus, Tersa (27/10),  simu ofisial delegasaun atletas no ofisiais  Timor-Leste, iha Aero Portu Internasional Presidenti Nicolao Lobato,  hafoin tuir kompetisaun ASEAN PARA GAMES  iha Nagoya, Japaun.

David Tomas senti orgullu tebes ba para atlets sira husi T38 ne'ebe halai Iha 1,5000 metru no hetan segundu lugar no hetan medalla osan mutin mai Timor-Leste.

“Lori Ministerio Juventude Desportu Arte no Kultura (MJDAK), nia naran hakarak hato'o apresiasaun ba ekipa bo'ot no atleta sira hotu ne'ebe fila fali mai Timor-Leste ho kondisaun diak hotu,” David konsidera.

Tuir David, normalmente tuir dekretu Lei, ba atleta ne'ebe hetan prestasaun diak nia prosesu liu husi komisaun nasional Desportu (CND), hodi valoriza nia prestasaun nee tuir dekretu Lei haruka.

Iha fatin hanesan, Xefi Delegasaun Atletas Timor Leste, Aniceto Berlelo hato’o  agradese ba MJDAK ho ekipa tomak ne'ebe akompana atleta sira too iha Aichi Nagoaya, Japaun. Agradese tebes ba atleta Teofilo Freitas nia prestasaun no hetan segundu lugar hodi hetan osan mutin no oferese ba nasaun RDTL. Konpetisaun  jogus iha Japaun, tuir Berelelo, kompostu husi nasaun  45.

Atleta Teofilo Freitas mos  agradese ba MJDAK no Presidente CPNTL ne'ebe Iha fuan bo'ot hodi investe ba atleta ema ho Defisiensia no ohin loron bele oferese osan mutin ba Timor-Leste.

Teofilo husu nafatin ba parte kompetente atu tau matan nafatin ba Ema ho Defisiensia Liuliu ba modalidade atletizmu no modalidade sira seluk. #MediaMjdak#