DILI, 22 Jullu 2025 – Ekipa nasionál futebol sub-16 husi Timor-Leste infelizmente lakon ho score 0-4 hasoru ekipa Kabu Verde iha kompetisaun XII Jogos Desportivos CPLP 2025, ne'ebé hala'o ohin iha Estadiu Munisipál Díli.

Kabu Verde hatudu jogu dominadu tebes desde minutu inisiál, konsege marka golu lais:

• Golu Dauruk (6’): Kabu Verde loke score.
• Golu Daruak (12’): Kabu Verde aumenta tan vantajen, hodi sai 2-0.

Defeza Timor-Leste nian hasoru desafiu boot hodi hapara ofensa ne'ebé maka'as husi sira-nia adversáriu. Ekipa Kabu Verde kontinua kontrola jogu no marka tan golu rua hodi remata ho rezultadu finál 0-4.

Espíritu Luta La Rende

Maski rezultadu la di'ak, jogadór Timor-Leste sira kontinua esforsu maka'as to'o jogu ramata. Ida ne'e hatudu sira-nia dedikasaun no espíritu luta ne'ebé la rende iha mehi atu reprezenta nasaun.

MJDAK hato'o agradesimentu wa'in ba adeptu hotu ne'ebé mai nakonu iha estadiu hodi fó apoiu másimu. Prezensa no lian adeptu sira-nian importante tebes hodi motiva ekipa atu hadi'a no prepara an di'ak liu tan ba jogu tuirmai.

Forsa Timor-Leste! Ita sei hadi'a no kontinua ba oin!

#MídiaMJDAK