DILI, 3 Jullu – Xefi Gabinete Ministériu Juventude, Desportu, Arte no Kultura (MJDAK), Egas Barros Guterres Godinho, konsidera katak jogu Boxing Junior ne’ebé realiza iha Ginaziu Desportu Dili, Sesta (3/7), la ho susesu. Tanba ne’e, Egas agradese ba komisaun organizadora ne’ebé konsege koordena atividades ho diak no ultrapasa dezafius balun.

Iha oportunidade ne’e, Egas Barros ensera oficialmente atividades jogus ne’e ho hanoin katak ekipa komisaun organizadora hatudu kapasidade iha jestaun eventu, liu husi koordenasaun ne’ebé solidu no profesionál.

“Jogus ne’e importante tebes tanba hamosu boxista joven sira ne’ebé iha talentu boot, ne’ebé sira hatudu ona sira-nia kapasidade durante kompetisaun,” dehan Egas. Nia hatutan, “Komisaun organizadora bele depozita konfiansa tomak ne’ebé MJDAK fo ba ita boot sira, no mos bele terus produz atleta nurak sira ne’ebé ita bolu junior. Maibé, espera katak rezultadu ida ne’e la bele hamosu orgullu deit, maibé importante liu nafatin atu kontinua treinu bebeik no hadi’a kapasidade.”

Tuir planu Federasaun Boxing Timor Leste (FBTF), kompetisaun Boxing Senior sei realiza tan iha fulan Novembru 2026. Tanba ne’e, Egas apela ba treinadores no boxista hotu-hotu atu prepara an ho treinamentu teknikus ne’ebé rigorozu, hodi bele hamorin naran RDTL iha palku internasional no konkure ho boxista sira husi nasaun seluk.

Kompetisaun Boxing Junior ne’e hanesan parte husi estratéjia Federasaun atu buka no dezenvolve talentu foun iha área boxe, hodi prepara jerasaun foun ba eventu boot sira iha futuru