MJDAK Reuniaun ho Kuradora Arte Timor-Leste nian ba Venice Biennale 2026

DILI, 15 Jullu 2025 — Ministru Juventude, Desportu, Arte no Kultura (MJDAK), Nelyo Isaac Sarmento, hamutuk ho Sekretáriu Estadu Arte no Kultura (SEAK), Jorge Soares Cristovão, ohin hala'o audiénsia ho kuradora Timor-Leste nian ba Espozisaun Arte Kontemporánea iha Venice Biennale 2026, Loredana Pazzini. Audiénsia ne'e akompaña mós husi adviser Kim McGrath no artista Maria Madeira.

Preparasaun ba Partisipasaun iha Itália

Durante audiénsia, Ministru Sarmento simu informasaun atualizada kona-ba prosesu selesaun ne'ebé dadaun ne'e sei loke hela. Prosesu ne'e atu selesiona artista sira ne'ebé sei partisipa reprezenta Timor-Leste.

Ministru Sarmento husu ba ekipa atu kontinua serbisu ho didi'ak, hodi garante susesu ba partisipasaun Timor-Leste nian iha Espozisaun Venice Biennale 2026.

Iha biban ne'e, Loredana Pazzini fó mós informasaun kona-ba ekipa ne'ebé sei serbisu ba Timor-Leste iha Venézia, inklui Jestór Pavi-liaun, Jestór Ezibisaun, Dezeñadór, Publikadór, no Adviser sira.

#MídiaMJDAK