DILI, 26 Jullu 2025 – Serimónia Enseramentu ba XII Jogos Desportivos da CPLP 2025 ne'ebé nakonu ho ksolok, hala'o ho susesu boot iha Estádiu Munisipál Dili. Atividade ne'e sai nu'udar finál ba semana ida ne'ebé plenu ho kompetisaun no espiritu amizade entre joven sira husi nasaun sira-ne'ebé ko'alia lian Portugés.

Iha kalan selebrasaun ne'e, fahe ona medalla sira ba modalidade prinsipál sira: Atletizmu no Futebol Sub-16 (U16). Ekipa vitorióza sira simu sira-nia rekoñesimentu husi autoridade Governu nian, hodi sai testemunha ba selebrasaun talentu joven sira nian iha desportu.

Enseramentu Jogos CPLP iha Dili ne'e la'ós de'it marka finál ba kompetisaun, maibé mós hametin relasaun kooperasaun no amizade liuhosi desportu, hodi hatudu Timor-Leste nia susesu nu'udar nasaun anfitriã.

#MídiaMJDAK