Dili,4 Maiu 2026 - MJDAK liuhosi SEAK lidera Reuniaun Pontu Fokál ho delegasaun hosi Komunidade Paízes Lian Portugueza (CPLP), hodi finaliza preparasaun ba Reuniaun Ministru Kultura CPLP dala-14 ne'ebé sei hala'o iha Dili.

Iha reuniaun ne'ebé hala'o iha Salun IED-MNEK, Pontu Fokál sira husi nasaun membru CPLP diskute no prepara dokumentu tolu ne'ebé esensiál: Planu Asaun Anuál 2026–2028 ; Rezolusaun ba Pontu Fokál sira;  Deklarasaun Finál ne'ebé Membru Governu sira sei aprova formalmente

Direitór Jerál SEAK, Sr. Gil Paulino dos Santos Oliveira, subliña katak Timor-Leste foka ba prioridade estratéjiku tolu: Ekonomia Kreativa, Patrimóniu Kultural, no Kapasitasaun Rekursu Umanu — área sira ne'ebé reflete vizaun dezenvolvimentu kulturál nasionál iha planu naruk.

Nu'udar Prezidénsia CPLP korrente, Timor-Leste hatudu nia kapasidade lideransa iha koordénasaun polítika kulturál rejionál, ho objetivu hodi fó benefísiu konkretu ba dezenvolvimentu arte no patrimóniu iha mundu luzófonu.