Díli, 19 Jullu 2025 – Jogu abertura ofisiál ba XII Jogos Desportivos da CPLP 2025 nian ne'ebé hala'o iha Estádiu Nasionál Díli, fó espetákulu ne'ebé dramátiku no labele haluha entre ekipa futeból nasionál Timor-Leste no Portugál. Jogu ne'e remata ho rezultadu 1-0 ba Portugál, maibé Timor-Leste hatudu duni espíritu rezisténsia no orgullu nasionál ne'ebé aas.

Atmosfera Dramátiku no Tensaun iha Estádiu

Atmosfera iha Estádiu Nasionál Díli nakonu ho emosaun no antisipasaun maka'as. Sentena tomak hamriik no nakonu ho ema Timor-oan, ne'ebé hatudu duni sira-nia apoiu todan ba ekipa nasionál iha jogu ne'ebé konsidera hanesan "jogu boot" ida.

Hafoin serimónia abertura ne'ebé ineskesível, ekipa rua hahú kompetisaun ho ritmu ne'ebé aas. Timor-Leste hatudu performa ho dezeza sólidu no tenaz, hodi defende ho efetivu hasoru ekipa Portugál. Estratéjia ne'e difikulta tebes Portugál hodi hetan golu durante kuaze tempu tomak iha jogu ne'e.

Golu Vitória iha Minutu Ikus

Tensaun sai boot liu bainhira jogu tama ba minutu ikus. Iha minutu 85—kuaze de'it minutu lima atu jogu remata—mak ekipa Portugál konsege hetan duni golu úniku ne'ebé fó duni vitéria ba sira, hodi muda eskoru ba 1-0.

Golu ne'e marka momentu dramátiku ida, maibé mós hatudu kualidade no determinasaun husi ekipa Timor-Leste ne'ebé konsege kaer metin jogu hasoru ekipa boot ida to'o minutu ikus.

Orgullu no Agradesimentu Nasionál

Maski rezultadu finál la pavorável, Timor-Leste nia jogu iha jogu abertura ne'e hetan apresiasaun maka'as. Ema hotu iha estádiu fó ovasaun hamriik ba ekipa nasionál nu'udar símbolu rezisténsia, luta, no orgullu nasionál.

Jogu ne'e hanesan prova ida katak dezenvolvimentu desportu nasionál iha Timor-Leste sai progresivu no kontinua iha prosesu hodi hasa'e kualidade. Ministériu Juventude, Desportu, Arte no Kultura (MJDAK) hato'o agradesimentu ba jogadór no tim tekniku sira ba esforsu tomak ne'ebé sira hatudu ona.

#MídiaMJDAK