DILI, 17 Juilu 2026, GKI—Ministru Juventude Desportu Arte no Kultura, Nelyo Isaac Sarmento (NIS), Sesta (17/7), despide ekipa Jogadores U12 nain 20 hodi ba joga iha kompetisaun festival internasional futebola iha Mane Parkirjum, Korea du Sul. Jogadores nain 20 ne’e kompostu husi Feto 2 no  Mane 18.

Ministru MJDAK, NIS iha nia intervensaun apela, partisipasaun ekipa U12 iha eventu festival internasional futebola iha Parkirjum, Korea du Sul ne’e laos buka manan maibe oinsa ekipa jogadores sira aprende liu tan esperiensia tatika, disiplina, kultura no mentalidade iha kampu laran.  

Tuir NIS, investimentu treinamentu  ba jogadores ho idade minoridade nudar pasu diak hodi nune’e jogadores joga iha nivel junior no sae ba jogus nivel senior. “Ita espera ba futuru hakarak hetan jogador dika ntau ita hahu investe iha treinamentu,” NIS esperansa.

Iha fatin hanesan, Treinador,   Denilson Guterres informa, preparasaun treinamentu ba ekipa U12 nain 45 hahu husi fulan Janeiru 2026. Hafoin ne’e, iha prosesu selesaun, tuir Denilson, jogadores nain 20 mak selesionado hodi reprezenta RDTL ba joga iha eventu festiva internasional futebola U12 iha Korea du Sul.

 “Ami lori jogador feto nain 2 ne’e, hodi inspira no hafanun fila fali maluk feto sira nebe subar sira nia talentu futebola. Tanba, area desportu, kuaze mane mak iha oin. Centro Treinamento Akademia Becora hakarak feto maki ha oin,” afirma Denilson. 

 Treinador nain 3 no Funsionariu Publiku MJDAK nain 1, mak akompania ekipa jogadores U12 durante jogus lao iha Korea du Sul. Partisipa iha seremonia despedida jogadores U12 ne’e, Xefi Gabinete MJDAK, Egas Barros Godinho, Diretur Jeral Deportu, David Thomas de Deus no Treinador Senior, Mister KIM SHIM WHAN.

Total orsamentu ne’ebe MJDAK apoiu ba atividades jogus ekipa jogadores U12 hamutuk Dolar Amerikanu Rihun Lima Nulu Resin Hitu Atus Ualu Lima Nulu (USD 57, 850.00).

Orsamentu husi MJDAK ne’e hodi apoiu ekipa jogador U12 sira nesesidades, Han hemu (alimentasaun), tike aviaun ba-mai, transporte, sosa material fardamentu no poket money durante tempu eventu jogus lao iha Korea du Sul, esplika Diretora Nasional Alta Kompetisaun MJDAK, Josefina Zeca Pinto, Sesta (17/7).  #MediaMjdac