DILI,  21 Setembru 2026, GKI—Treinador Taekwondo nain 21 tuir formasaun Poomsae hodi promove no reforsa diak liu tan rekursu umanu iha prosesu treinamentu teknikus ba atletas taekwondo sira iha Timor Leste.  

Treinadores Taekwondo 21 ne’e, hetan materia formasaun konaba poomsae nian durante loron lima (5), iha Salaun Uma Nahe Biti Boot, MJDAK, Lesidere, Dili, Timor Leste.

Ministru Juventude Desportu Arte no Kultura (MJDAK), Nelyo Isaac Sarmento (NIS), Segunda (21/09), ofisialmente loke  formasaun treinador poomsae  21 ne’e, informa, MJDAK iha ona koordenasaun ho Federasaun Taekwondo Timor-Leste (FTTL) tulun federasaun hasae kapasitasaun rekursu umanu.

Tuir Nelyo, objetivu formasaun treinadores taekwondo 21 ne’e, hodi responde kompetisaun eventu internasional taekwondo nivel Kyorogy no Poomsae nian. Tanba, Nelyo hatutan, durante ne’e, partisipasaun atleta taekwondo iha  kompetisaun nivel nasional no internasional nian mak Kyorogy deit.  

Nune’e mos federasaun taekwondo Timor-Leste iha rekusu naton ba dojang sira hotu atu introdus ka hanorin ba atleta taekwondo sira liu-liu poomsae nian, tanba poomsae ne’e arte ka seni taekwondo nian.

Formasaun  rekursu  abilidade naton  ba konesementu  poomsae ba dojang taekwondo sira, Nelyo esperansa,   fo oportunidade ba dojang sira atu bele aumenta numeru atleta poomsae nian. MJDAK ho Gubernu Korea du Sul, Nelyo hatutan, iha ona koperasaun bilateral iha area desportu nian hodi  bele ajuda diak liu  rekursu umanu ba atleta taekwondo poomsae nian.

Ba nivel ida ne’e entermu kooperasaun guvernu ho guvernu ne’ebe iha progresu diak no agora dadaun halo preparasaun no protidaun husi Federasaun Taekwondo Timor-Leste hamutuk dojang sira atu prepara a’an ba formasun ida ne’e.

Kyorogy iha Timor-Leste ne’e nia dadus barak los, maske rai Timor-Leste nasaun ida ne’ebe kiik tebes mais konaba kyorogy ne’e barak los, kuaze dojang ka akademiku ne’e kyorogy mak barak los, konaba poomsae ne’e menus tebes iha dojang hotu-hotu iha Timor laran tomak, entaun husi formasaun ida ne’e bele hetan fini diak ba poomsae nian iha futuru oin mai.

Aliende ne’e, Sekretariu Jeral Federasaun Taekwondo, Jose Magno konsidera, formasaun poomsae  ne’e, importante tebes tanba  organiza husi MJDAK rasik hodi bele aumenta kapasidade ba membru poomsae sira. Nune’e mos formandu sira ne’e bele aumenta konesementu diak hodi halo preparasaun ba atleta sira ba iha futuru oin mai.

Jose Magno  apela,  membru poomsae sira atu tuir formasaun ida ne’e to’o final, tanba formasaun refere importante tebes, molok halo implementasaun poomsae iha terenu.

Formandu sira ne’e kuaze husi Dili laran tomak mak tuir  formasaun poomsae nian ho total ema nain 21 feto hamutuk 3 no mane hamutuk 18.

 Akompana Sua Exelensia Ministru Juventude Desportu Arte no Kultura (MJDAK), ba abertura formasaun treinador poomsae ne’e mai husi diretur jeral desportu, diretur jeral servisu korporativu, diretur jeral SEAK, Vice presidente CDTL, Diretora nasional desportu federadu, Diretur nasional asosiativismu juventude nomos staf husi diresaun jeral desportu nian. #MediaMjdk#