BAUCAU, 23 JANEIRU 2026 – Sekretáriu Estadu Arte no Kultura (SEAK), Sua Eselénsia Jorge Soares Cristóvão, ohin inaugura ofisialmente Uma Lisan “Manulari” Sawakasa ne’ebé harii iha Suku Laisorulai, Postu Administrativu Kelikai, Munisípiu Baucau.

Iha serimónia ne’e, SEAK Jorge Soares Cristóvão asina mós plaka kmanek nu’udar sinál katak Uma Lisan ne’e hamriik fali ona ho dignidade. Lia-na’in sira, fetosan-umane, no uma-oan sira hotu fakar fuan hodi partisipa iha selebrasaun boot ne’e.

Iha biban ne'e, Deputadu Ágio Pereira mós marka prezensa hodi fó sasin ba momentu istóriku ne’ebé hametin hodi ligan kbiit kultura nian iha rai Kelikai.

Harii fali Uma Lisan ne'e hanesan esforsu hamutuk hodi haburas no proteje ita-nia identidade nu’udar ema Timor, hodi nune’e ita-nia arti no kultura la lakon ba tempu.

#MídiaMJDAK