DILI, 26 Jullu 2025 – Iha loron Sábada dader, hasoru malu ne'ebé emosionante ida akontese ona iha Estádiu Munisipál Dili, hodi hadau medalha ba Pozisaun Terseiru (3) iha modalidade Futebol Sub-16 (U16) ba XII Jogos Desportivos da CPLP 2025.

Ekipa husi Timor-Leste hasoru Portugál, iha jogu ida ne'ebé hatudu duni kbiit no talentu hosi atleta joven sira. Jogu ne'e remata ho vitória ba Portugál, ne'ebé konsege asegura pozisaun terseiru lugar nian iha kompetisaun.

Orgullu ba Esforsu no Dedikasaun

Maski la konsege manán medalha, ekipa Timor-Leste nian hatudu duni espíritu luta no dedikasaun tomak iha kampu laran, ne'ebé merese hetan rekoñesimentu husi Governu no públiku tomak.

MJDAK hato'o agradesimentu boot ba ekipa nasionál hodi hatudu espiritu desportivu no esforsu ne'ebé aas. Kompromisu no partisipasaun másimu iha kompetisaun internasionál hanesan ne'e nu'udar esperiénsia valioza ida ba futuru dezenvolvimentu jogador sira nian no hodi eleva kualidade futebol nasionál.

"Ami orgullu tebes ho performa husi ita-nia joven atleta sira. Manán ka lakon nu'udar parte husi jogu, maibé sira-nia esforsu reprezenta dignidade nasaun nian," dehan reprezentante husi MJDAK.

MJDAK hato'o parabéns boot ba ekipa Portugál ba sira-nia susesu hodi manán Pozisaun Terseiru iha Futebol U16.

#MídiaMJDAK