DILI, 30 Juilu 2026, GKI---Atu garantia atletas nasional no internasional Dili Maratona ho seguru, autoridade husi ministeritu juventude desportu arte no kultura (MJDAK) no parte Pulisia Nasional Timor Leste (PNTL), sei limita rute Estrada ne’ebe atleta sira kompete ba sirkulasaun transporte publiku no privadu.

Eventu kompetisaun desportu atletismu internasional ne’e, ho tema  HADOMI ITA NIA AI-LARAN NO BALADA FUIK SIRA, sei realiza, loron 8 Agostu 2026. Tanba ne;e, Ministru Juventude Desportu Arte no Kultura, Nelyo Isaac Sarmento (NIS), Kinta (30/7), alerta ba komunidade iha kapital Dili, sei interompe  direitu ba uza estrada hodi husu ba komunidade sira atu labele liu rute ne'ebé sei uza halai Dili Internasional Marathon (DIM).

NIS informa, iha Konfeerensia Imprensa  hamutuk ho  SEKomS, Expetidito Dias Ximenes, Xefe Kaza Civil Prezidensia da Republika, PNTL no Presidente CDTL, Afriano,  Salaun Xina, Palacio Prezidente, Aitarak Laran, Dili, Timor Leste.

NIS informa tan,  iha fulan Agostu laran, governu  sei realiza  eventu internasional  hanesan Dili Internasional Marathon (DIM), Seminariu ba Siensia nian, ne'ebé inisiativa  Prezidente da Republika nian ho koordenasaun ho kada ministeriu relevante sira hodi apoiu aktividade ne'e. Hakarak  dehan  Dili internasional  Marathon sei partisipa atleta nasional sira inklui atelta internasional balun. “Eventu ida ne'e hanesan tama ona ajenda internasional ida inklui rute ne'ebé hetan ona sertifikafh nivel Asia Atletik nian,” NIS sublinha.

Uza oportunidade ida ne'e hodi husu ba komunidade iha Dili ho preparasaun tomak ne'ebé governu  sei intrope ituan hodi uza estrada, hahu tuku 5 dader to'o meudia tanba sei uza halai marathon.

 “Intrompe ituan imi nia direitu ba uza estrada, antisipa atu hato'o itaboot sira  katak iha oras ida hansane labele liu husi fatin ne'ebé mak ami mensiona, hanesan iha 42 KM, hahú husi Palasio Prezidente nia oin, to'o Timor-Plaza nian ba IOB no kontinua iha Praya dos Kokeirus to'o iha Dolok Oan, Kristu Rei nian, 21 Km ne'e halai dala ida deit, meia marathon sei komesa husi Palacio Prezidente nia oin no tama ba Mesidjid nian, putar iha ne'eba mai iha Ministeriu Finansas nian,” NIS informa. #MediaMjdak