Díli, 23 Juñu 2026 – Dirijente sira hotu husi Ministériu Juventude, Desportu, Arte no Kultura (MJDAK), ho sentidu laran triste no respeitu kle'an, marka sira-nia prezensa hodi presta omenajen ikus ba Eis Prezidente Repúblika Demokrátika Timor-Leste, Dr. Francisco Guterres Lú Olo, ne'ebé falece iha loron hirak liubá.

Serimónia omenajen ne'e lidera husi Sua Exelénsia Sekretáriu Estadu Arte no Kultura (SEAK), Jorge Soares Cristóvão, hamutuk ho Diresaun-Jerál Servisu Korporativu, diresaun nasionál sira, no funsionáriu sira husi MJDAK. Partisipa mós reprezentante sira husi instituisaun tutela MJDAK nian, hanesan Konsellu Reguladór Arte Marsiál (KRAM), CDTL, no federasaun desportiva sira.

Liuhusi serimónia solene ida-ne'e, família boot MJDAK hato'o respeitu no rekoñesimentu aas ba dedikasaun, lideransa no servisu boot ne'ebé saudozu Dr. Francisco Guterres Lú Olo halo ba nasaun, hahú husi tempu luta libertasaun to'o ba prosesu konstrusaun no dezenvolvimentu Estadu Timor-Leste.

"Saudozu Dr. Francisco Guterres Lú Olo mak lider ida ne'ebé dedika nia-an tomak ba Pátria. Nia kontribuisaun ba nasaun sei sempre hamosu iha história Timor-Leste," hateten deklarasaun ofisiál husi MJDAK.

MJDAK harohan ba Maromak Kbiit-Wain atu simu nia klamar iha Reinu Lalehan no fó kbiit, laran-metin no pasiénsia ba família no ema hotu ne'ebé hela iha laran-moras tanba lakon lider ida ne'ebé dedika nia-an tomak ba Pátria.

Adeus no omenajen ikus ba ita-nia Lider Boot.

Descansa iha dame, Dr. Francisco Guterres Lú Olo.