DILI, 05 JUÑU 2026 – Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, ne'ebé akompañ husi Sua Exelénsia Sekretáriu Estadu Arte no Kultura (SEAK), Jorge Soares Cristóvão, partisipa iha eventu selebrasaun Loron Nasionál Tasi ho tema geral "Hau nia Tasi, Hau nia Timor" , ne'ebé hala'o iha Largo Lecidere, Dili.

Eventu ne'e abertura husi Sua Exelénsia Prezidente Repúblika Demokrátika Timor-Leste, Dr. José Ramos-Horta, iha ámbitu Loron Nasionál Tasi ne'ebé inklui karavana kulturál no feira nasionál artezanatu, ne'ebé inisia husi Ministériu Komérsiu no Indústria no Ministériu Turizmu no Ambiente.

Selebrasaun ne'e mós involve instituisaun hotu-hotu hodi hala'o limpeza jeral iha tasi ibun, tuir mapamentu ne'ebé estabelese. Alende ne'e, fahe mós premiu ba manan nain kompetisaun arte kreativu sira ne'ebé partisipa husi eskola sekundária iha Dili no munisípiu sira, universidade sira iha Dili, no sosiedade arte sira.

Loron Nasionál Tasi ne'e hetan partisipasaun masivu husi Prezidente Repúblika, Primeiru-Ministru, Xefi Estadu Maior Jeneral F-FDTL, Tenente Jeral, Segundu Komandante Komisariu PNTL, Vise Primeiru-Ministru, korpu diplomátiku, no membru Governu tomak.

Partisipasaun MJDAK no SEAK iha eventu ne'e refleta kompromisu Governu nian atu apoia no promove kultura, arte, no konservasaun ambientál, liuliu konsiensia kona-ba importánsia tasi ba identidade no sustentabilidade nasaun.

#MediaMjdak