DILI, 27 Juilu 2027, GKI—Atletas Selesinadu Nasional Timor Leste nain 13, sei compete iha eventu desportu internasional, Asean Games, Nagoya, Japaun 2026. Atleta Nasional 13 ne’e, kompostu husi modalidade Taekwondo nain 1, Atletismu nain 3, Swimming nain 2, Voley Praia nain 2, Halterofilismo nain 2, Wrestling nain 1 no modalidade Archeri nain 2.

Diretur Jeral Desportu MJDAK, David Thomas de Deus   ba Media MJDAK, Segunda (27/7), hodi informa, atletas nain 13 ne’e, prepara-an treina fizikamente iha rai laran no rai liur.

Atletas nain 7, kompostu husi modalidade  Atletismu nain 3, Voley Praia 2, Halterofilismo nain 1 no modalidade Archeri nain 1, tuir David, treina hamutuk iha Dili, Timor Leste. No atletas nain 6, treina iha rai liur. Atletas modalidade Taekwondo nain 1 treina iha Korea du Sul, Swimming nain 2, treina iha Filipina, Halterofilismo nain 1, treina iha  Thailandia no atleta  Archeri nain 1, treina iha  Filipina.

Presidenti Komisaun Nasional Integradu Alto Nivel (KNIA), David Thomas de Deus hateten,  estabelesementu komisaun ne’e, bazeia ba Despaisu  No. 6/MJDAC/VII/2026, hodi halao serbisu preparasaun no partisipasaun nian. Tuir David, MJDAK aloka orsamentu dolar amerika rihun hat nulu (USD 40,000.00), ba fase preparasaun nian. David informa, atletas nasional Timor Leste ba Asean Games Nagoya, Japaun 2026, hahu tama hotel iha loron 3 Agostu 2026.

Atletas Nasional nain 13 ne'e, sei kompete iha jogus internasional Asean Games, Nagoya, Japaun, fulan Stembru-Outubru 2026.   

Atu serteza serbisu preparasaun no partisipasaun atletas nasional nain 13, Timor Leste ne’e lao ho diak, iha loron 24 Jullu 2026,  Sekretáriu Ezekutivu, João M. Rodrigues hamutuk ho Vise- Konfederasaun Desportu Timor-Leste (CDTL), José Caetano realiza reiuniaun ho Treinadór sira ba preparasaun Asean-Games iha Japaun.

Atividade reiuniaun ne’e hala’o iha Salaun Ema ho Difisiénsia MJDAK, Lecidere, Dili Timor-Leste,  diskte kona-ba preparasaun atleta ne’ebé sei reprezenta Timor-Leste iha Asean-Games Japaun.

“Reuniaun dahuluk nian hamutuk ho treinadór sira preparasaun atleta hodi ba partisipa iha Asean Games Nagoya,  Japaun 2026,  ho  ita konvida treinadór sira mai atu kompleta dadus atleta nian hanesan joga iha numeru saida no karik iha nia rekor anterior oinsá bele aprezenta para ita bele hatene ita nia atleta ne’e sei ba kompete iha numeru ida ne’ebé. Nune’e, ita nia partisipasaun no preparasaun liu-liu liga ba akompañamentu husi ita nia doutór sira atu haree ba iha atleta sira nia saúde inklui mós ba iha treinadór sira atu aprezenta programa treinu nian hahú iha loron 1 to’o loron 14 fulan Setembru. Ita nia akompaña ne’e metin hodi haree numeru atleta sira menus ka aumenta atu ekipa selesaun avaliasaun akompaña mós ho doutór na’in rua ba treinu atu haree iha treinamnetu nian,”  João Rodrigues esplika.

Sekretáriu Ezekutivu KND ne’e, hatutan,  presiza tebes atleta nia dadus hanesan lista atleta kompete iha numeru saida liu-liu todan idade no altura atu observa mós ba iha sira nia nutrisaun.

Tanba kompetisaun iha nivél Asean-Games, tuir Joao,  la’os jogus ida bai-bain no husi dadus sira ne’e ekipa selesaun no avaliasaun sei halo aprezenta fila fali ba iha  Ministru MJDAK atu aprova.

Partisipa iha atividade ne’e mai husi MJDAK no CDTL hamutuk ho treinadór sira husi federasaun sira mak hanesan, Atletízmu, Wrestling TL, Archery TL, Hiit Besi, inklui Mediku na’in Rua. #MédiaMjdak