DILI, 21 Agostu 2026, GKI—Miniteriu Juventude Desportu Arte no Kultura, liu husi Dirasaun Jeral Juventude deklara, suporta planu serbisu juventude (Work Plan on Youth) tinan 2026-2030 nian.

Deklarasaun, MJDAK ne’e, deklara husi Diretur Jeral Juventude, Mario Tilman liu husi Zoom Meeting ho Nasaun Membru ASEAN durante loron tolu (19-21/08/2026). Nasaun membrus ASEAN kompostu husi Singapura, Malaysia, Brunei Darusalam, Indonesia, Thailandia, Vietnam, Kambodia, Laos, Filipina, Myanmar no Timor Leste

Iha loron dahuluk (19 Agostu 2026),  Senior Officials    Meeting on Youth (SOMY XV), Diretur Jeral Juventude kada nasaun halo diskusaun prinsipal foka liu konaba  progresu no implementasaun agenda juventude ASEAN, inklui revizaun ba ASEAN Work Plan on Youth 2021–2025 no preparasaun ba ASEAN Work Plan on Youth 2026–2030.

Aleinde ne’e, diskuti mos konaba prioridade juventude durante Philippines’ Chairship 2026, liuliu kona-ba climate action and disaster resilience, digital resilience no responsible use of new technologies, no dezenvolvimentu juventude ba ASEAN ne’ebé resiliente, inovativu, dinámiku no inkluzivu.

SOMY XV ne’e mós konsidera inisiativa no kontribuisaun husi ASEAN Partners no organizasaun sira ne’ebé servisu iha área juventude. Iha parte ikus, enkontru prepara dokumentu no rekomendasaun sira atu lori ba 14th ASEAN Ministerial Meeting on Youth (AMMY XIV) no 10th ASEAN Plus Three Ministerial Meeting on Youth (10th AMMY+3).

Ba Timor-Leste, enkontru ne’e importante atu komprende prioridade no programa juventude ASEAN, identifika oportunidade koperasaun, no prepara partisipasaun Timor-Leste iha implementasaun ASEAN Work Plan on Youth 2026–2030.

Nune’e diskusaun loron da-ruak (20 Agostu 2026), ho agenda Fourteenth ASEAN Plus Three Senior Officials Meeting on Youth (14th SOMY+3), diskusaun prinsipal foka ba implementasaun ASEAN Plus Three Work Plan on Youth 2021–2025 no identifikasaun area prioridade ba ASEAN Plus Three Work Plan on Youth 2026–2030.

Enkontru ne’e mós halo preparasaun ba 10th ASEAN Plus Three Ministerial Meeting on Youth (10th AMMY+3), inklui asuntu no dokumentu sira atu lori ba nivel Ministerial.

Diskusaun mós reafirma kompromisu hamutuk entre ASEAN no Plus Three countries (Korea, Japan no China) atu promove dezenvolvimentu juventude, hametin koperasaun rejionál, fahe esperiénsia no dezenvolve programa ne’ebé bele fó benefísiu no oportunidade ba juventude.

Iha geral, rezultadu husi 14th SOMY+3 sei sai baze ba avansa programa no prioridade ASEAN Plus Three kona-ba juventude, no kontribui ba empoderamentu, kapasidade no partisipasaun juventude iha rejiaun.

Akompanha Diretur Jeral Juventude, Mario Tilman iha Zoom Meeting ASEAN ne’e, Diretur Nasional Asosiativismu Juventude, Florindo Napoliao Xavier, Diretur Nasional Dezenvolvimentu Juventude, Joao Lemos no xefi departementu nain hat (4).

 #Media Mjdak#