DILI, 12 Setembru 2025 — Primeiru-Ministru, Kay Rala Xanana Gusmão, ohin partisipa iha inaugurasaun kampu futsal foun ida iha Aldeia 12 de Outubru, Suku Komoro, Postu Administrativu Dom Aleixo, Munisípiu Dili. Kampu ne'e hanesan inisiativa hosi joven sira iha aldeia ne'e no hetan apoiu husi autoridade lokál no emprezáriu timoroan sira.

Iha serimónia ne'e, Primeiru-Ministru Xanana Gusmão loke ofisiálmente kampu futsal no mós lansa Tasa Papa Francisco, ne'ebé organiza husi juventude Aldeia 12 de Outubru nian.

Diskursu no Mensajen ba Joven sira

Iha ninia diskursu, Primeiru-Ministru Xanana Gusmão fó mensajen ba joven sira atu la'ós de'it foka ba manán ka lakon iha jogu, maibé atu aprende no dezenvolve sira-nia talentu iha área futeból.

Nia husu mós ba joven sira atu aproveita eventu desportivu hanesan ne'e hodi harii amizade, hametin pás no harmonia entre sira-nia an.

Detalla Eventu nian

Jogu desportivu Tasa Papa Francisco ne'e sei involve totál klubu futsal 35, inklui ekipa feto 11 no ekipa mane 24, ne'ebé mai husi Aldeia sira iha Postu Administrativu Dom Aleixo.

Serimónia inaugurasaun ne'e hetan mós partisipasaun hosi Ministru Juventude, Desportu, Arte no Kultura, Nelyo Isaac Sarmento, Prezidente RTTL.EP, Komandante PNTL Eskuadra Dom Aleixo, membru F-FDTL, autoridade lokál, no komunidade sira.

#MídiaMJDAK