DILI, 25 Setembru 2026, GKI—Ekipa Choque Feto no Mane sai primeiru lugar iha segundu divizaun liga bola volly  epoka da-6 2026. Ekipa Choque Feto manan nia adversariu Cablaki ho eskor 3-0 no Ekipa Choque Mane manan  nia adversariu Matebian ho eskor 3-0,  iha Ginaziu Desportu Dili (GDD).

Rezultadu  jogu  final ne'e, lori ona ekipa volibola Choque feto no mane, inklui II-IV lugar nudar vensedor hodi kontinua compete iha Primeiru Divizaun Volibola 2026, iha Fulan Outubru 2026. 

Manan nain sira iha Segundu Divizaun Bola Voly ne’e, hetan premiu iha kategoria Feto mak 1.º Lugar: Choque – Taça Permanente no Prémiu Osan US$ 2,000.00, 2.º Lugar: Cablaci – Prémiu Osan US$ 1,500.00,  3.º Lugar: ADR. Uniao – Prémiu Osan US$ 1,000.00 no 4.º Lugar: Liceu 4 de Setembro – Prémiu Osan US$ 500.00.

Nune’e iha kategoria mane mak  1.º Lugar: Choque – Taça Permanente no Prémiu Osan US$ 2,000.00,  2.º Lugar: Matebian Baguia– Prémiu Osan US$ 1,500.00, 3.º Lugar: Dacuate– Prémiu Osan US$ 1,000.00 no  4.º Lugar: Loe-Laco – Prémiu Osan US$ 500.00.

Ministro Juventude Desportu Arte no Kultura, Nelyo Isaac Sarmento partisipa   iha iha jogus final ne'e hateten, ita komesa tama iha faze oinsa mak ita halo jestaun ba kompetisaun liga modalidade desportu sira hanesan bola volly.

Nelyo hatutan,  hahu terseira divizaun iha munisipiu sira depois mai segunda no kontinua ba primeira divizaun ne'e laos oinsa mak ita atu hetan kualidade jogu nian maibe fo oportunidades ba federasun ba ema hotu ne'ebé envolve a'an iha desportu atu halo jestaun diak ba aktividade desportu sira, tanba agora ita tama ona ekosistema kompetisaun desportu nian. #MediaMjdak#