Dili, 10 Novembru 2025 – Ministériu Juventude, Desportu, Arte no Kultura (MJDAK), liuhusi Diresaun Jerál Juventude no Diresaun Nasionál Dezenvolvimentu Juventude (DNDJ), hala'o ho susesu boot Kompetisaun Drum Band 2025. Kompetisaun ne'e, ne'ebé hala'o iha Estadiu Munisipál Dili, nu'udar parte hosi selebrasaun Loron Nasionál Juventude ba dala XX.

Liga ho Orgullu Nasionál no ASEAN

Diretór DNDJ, Sr. Firminio Dias Quitas, hatete katak kompetisaun ne'e la'ós de'it atu komemora, maibé atu reflete no hametin espíritu nasionál hodi liga ho selebrasaun iha Munisípiu Aileu.

“Imi sai manan-nain hotu ona iha kompetisaun Drum Band 2025 nian, ne'ebé liga ba tema jerál ne’ebé ita hatur ona ba tinan 2025: 'HA'U TIMOR OAN, ORGULLU BA HAU NIA NASAUN', tenik Sr. Firminio Quitas.

Diretór DNDJ fó follus ba orgullu nasionál, liuliu ho Timor-Leste nia estatutu nu'udar full member iha organizasaun ASEAN. Nia hatutan, MJDAK orgullu ba joven sira-nia inisiativa no prestasaun ne'ebé hatudu ona ba mundu internasionál liuhusi kanal media sosiál sira.

Rezultadu Kompetisaun no Ensinamentu ba Juventude

Sr. Firminio Quitas apela ba joven sira atu nafatin hadook aan hosi violénsia no krime sira. "Ida-ne'e mak importante atu ita lori no sai orgullu ba ita-nia rain no nasaun ida-ne'e," nia hatete.

Manan-nain sira sei simu sira-nia prémiu iha serimónia boot iha Loron Finál Loron Nasionál Juventude, iha Munisípiu Aileu, iha loron 12 Novembru 2025.

Manan-Nain Kompete Drum Band 2025:

#MídiaMJDAK