DILI, 23 Jullu 2025 – Kompetisaun Xadrez Rápido Kategoria Mane no Feto iha XII Jogos Desportivos da CPLP 2025 remata ona, hafoin loron rua (2) nia jogu intense ne'ebé hala'o ho tempo control 15 minutu + 10 segundu ba kada movimentu. Jogu ne'e uza sistema round robin hakat lima (5), ne'ebé husu estratéjia di’ak no rapidez husi atleta sira.

Kategoria Mane: Portugal no Angola Lidera, Timor-Leste Haktuir Medalla

Iha kategoria Mane, atleta hosi Portugal no Angola hatudu dominasaun maka'as:

1.    Matviy Faryma (Portugal): Konsege manán ho puntu perfekta (5 pontu) hafoin hakat 5, merese duni pozisaun dahuluk.

2.    Célio Tchilulo (Angola): Haktuir iha pozisaun daruak ho 4 pontu.

3.    Noelio Garcia Menezes (Timor-Leste): Orgullu boot ba nasaun, atleta Noelio Garcia konsege hetan pozisaun datolu no manán medalla Osan-Metan (Bronze) ho 3 pontu.

Kategoria Feto: Portugal mós Sai Kampion

Iha kategoria Feto, Portugal hetan nafatin pozisaun dahuluk, enkuantu Angola no Kabu Verde hetan tan medalla:

1.    Sofia Valente (Portugal)

2.    Daniela Santana (Angola)

3.    Akiane Moreno (Cabo Verde)

Parabéns boot ba atleta Timor-Leste nian, Noelio Garcia Menezes, ne’ebé konsege lori orgullu ba rai-doben iha kompetisaun internasionál ne'e. Susesu ne'e hatudu katak atleta Timor-oan iha talentu no kapasidade atu kompete iha nível CPLP nian.

#MídiaMJDAK