LIKISÁ, 15 Maiu 2026 – Komisaun G Parlamentu Nasionál ne'ebé trata Asuntu Edukasaun, Desportu no Kultura, realiza diskusaun kona-ba Rejime Jurídiku Prátika Arte Marsiais nian, ho objetivu atu asegura paz, orden no estabilidade iha rai laran, liu husi instrumentu legal ne'ebé klaru no adekuadu.

Diskusaun espesialidade ne'e prezide husi Prezidente Komisaun G, Deputadu Armando dos Santos Lopes, hamutuk ho Komisaun A no B, no hetan koordenasaun no partisipasaun máksimu husi S.E. Ministru Juventude, Desportu, Arte no Kultura (MJDAK), Nelyo Isaac Sarmento, S.E. Ministru do Interior (MI), Dr. Francisco da Costa Guterres, no entidade relevante sira seluk.

Debate ida-ne'e bazeia ba Proposta Lei no. 24/V (3º) kona-ba Rejime Jurídiku Prátika Arte Marsiais nian, ne'ebé tuir planu sei lori ba aprovasaun finál iha Plenária Parlamentu Nasionál.

Detailu Enkontru:

Etapa Dahuluk: Hala'o ona durante loron rua, hahú husi loron 14 to'o 15 Maiu 2026.

Etapa Daruak (Kontinuasaun): Tuir ajenda, diskusaun ne'e sei kontinua fali iha loron 21 no 22 Maiu 2026.

Fatin: Salaun Tokodede, Likisá.

Objetivu fundamentál husi diskusaun ne'e mak atu fó garantia legal ba hametin paz, orden, no estabilidade nasionál iha Timor-Leste, liu husi regulamentasaun prátika arte marsiais sira nian, atu nune'e bele prevene konflitu no asegura katak atividade sira ne'e hala'o tuir norma ne'ebé estabelesidu.

Komisaun G no Ministeriu sira komprometidu atu kontinua diskusaun ho partisipasaun hotu-hotu hodi garante katak produtu finál ne'e bele atende interese nasaun no fó benefísiu ba komunidade tomak.

#MediaMjdak