DILI, 11 Agostu 2026, GKI--Ministru Juventude, Desportu, Arte no Kultura (MJDAK), Nelyo Isaac Sarmento (NIS), Governu liu husi MJDAK kada tinan, aloka orsamentu hodi investe ba foinsae sira iha munisipius laos gastus deit maibe garantia katak iha futuru jovens sira ne’ebe hetan ona fornmasaun iha area oi-oin bele lori returnu ba pobu no nasaun.

NIS hato’o kestaun ne’e, iha loron daruak, wainhira sai orador iha seminariu selebrasaun Loron Internasional Juventude 2026, Tersa (11/08), iha salaun uma nahe biti boot, lecidere, Dili.

Garansia gastus investimentu ba foinsae ne’e, tuir NIS, bazeia ba  lansamentu  dadus dividendu demografiku iha loron da-ruak semináriu nasionál hodi komemora loron Internasionál Juventude ho tema” Juventude Ohin Loron Oportunidade no Dezafius iha Futuru”.

 Eis Sekoms ne’e informa,   maioria joven no populasaun Timor-Leste tanba ne’e mak investimentu ba iha juventude ne’e la’os gastus maibé ba iha futuru bele hetan nia retornu liu husi areas saida mak governu investe.

“Aprezentasaun dadus kona-ba populasaun Timor Lorosae,  ho  idade  15 to’o 25,  ho nia pursentu aas, ida ne’e,  atu bolu atensaun governu nian la’os de’it ba iha Ministériu Juventude, Desportu, Arte no Kultura nia responsabilidade maibe  responsavél husi liñas ministériais sira hotu, oinsá mak iha planu ba investimentu haree ba iha dadus ne’e. Tanba husi dadus ne’e demonstra ba ita katak maioria numeru jovens boot ne’e iha area rurais ne’ebé la iha asesu ba edukasaun, formasaun no kampo traballo,” NIS hateten, hodi hatutan, “Ho ida ne’e mak bazeia ba dadus ne’e ita halo investimentu ne’ebé di’ak no estratejiku ba oin ita bele hetan ita nia populasaun ne’ebé ho kualidade.  Tanba ne’e,  investimentu ba iha juventude ne’e la’os gastus maibé ba iha futuru bele hetan nia retornu .”

Pulitíka Nonu Governu Konstitusioanál nian, tuir NIS,  bazeia ba iha numeru dadus ne’ebé iha mak fo prioridade ba igualdade jenéru no inkluzaun sosiál no asesibilidade atu ema hotu hetan oportunidade hanesan hodi dezenvolve nia poténsia rasik tanba wainhira joven ida mak la hetan oportunidade atu aprende no dezenvolve nia abilidade no tama iha merkadu traballu mak la’os joven ne’e mak lakon oportunidade maibé nasaun mós lakon nia produtividade inovasaun atu aselera dezenvolvimentu sustentavél.

Brani hasoru mudansa Teknolojia

Antes ne’e, iha loron dahuluk, seminariu hanesan, Segunda (10/08), Nelyo Isaac Sarmento hateten,   mundu ohin loron hasoru problema oin-oin nune’e husu joven sira tenki brani prepara aan hodi hasoru dezenvolvimentu teknolojia no joven sira tenki matenek no iha fiar ba Maromak atu la bele sai atan ba iha mundu teknolojia.

“Mundu agora hasoru problema oin-oin tanba loron ida imi sira ne’e hotu sei sai lideransa atu foti desizoens iha idak-idak nia nasaun ba povu tomak ne’e ba joven sira ne’ebé brani hodi prepara aan hodi hasoru futuru ne’ebé avansadu ho era dijitalizasaun Artifisial Intelijénsia (AI).  Ida ne’e mak ohin loron sai dezafius boot ba ita ema iha vida relijiozu mezmu nune’e Amu Papa Leão hatete” uza ita nia kakutak hodi halo buat ne’ebé pozitivu”.  Tanba ne’e,  joven sira tenki iha matenek iha fiar ba Maromak atu la bele halo ita sai atan ba iha mundu teknolojia,”  NIS afirma.

Partisipa iha atividade ne’e mai husi MJDAK, ME, INETL-IP, SEI, SEFOPE, CM-NSH, CNJTL, hamutuk ho parseiru dezenvolvimentu sira UNFPA, Estudante Universitáriu sira, UNTL, IOB.

Atividade ne’ebé realiza hodi komemora loron Internasionál Juventude mak hanesan, semináriu, aprezentasaun profile juventude inklui ho feira no  marsa saudavél no hetan partisipasaun maximu husi Diretór Jerál na’in Haat (4) husi MJDAK no SEAK hamutuk ho Diretór Nasionál no kargu Xefia sira DJ SNAEM-IP, inklui foinsa’e sira husi eskola Universitáriu no Sekundariu hanesan, UNTL, Ensinu Sekundariu Paulo IV CCYC, Ehd. #MédiaMjdak