DILI, 29 Juilu 2026, GKI—Pulitika Nasional Juventude (PNJ) nudar matadalan hodi dezenvolve foinsae sira nia nesesidades moris nudar sidadaun Timor Leste nian. Asaun konkreta ne’ebe ministeriu juventude desportu arte no kultura (MJDAK) implementa tuir PNJ mak iha tematiku lima, kompostu husi area edukasaun, saude, joven no partisipasaun siviku, joven ho empregu no empregabilidade, joven krimi no violensia.

Diretur Jeral Juventude MJDAK, Mario Tilman nudar panelista hodi aprezenta iha forum dialogu ho tema politika no propriedade  governu nian ba envolvimentu foin'sae ne'ebe lidera lokalmente, koezaun sosial no prevensaun konflitu.

Forum dialogu ne’e organiza husi parseiru dezenvolvimentu UNDP no G7+ ne'ebe realiza iha Salaun Universidade Catolika Timor Leste (UCTL), Balide, Dili, Kuarta (29/7).

Mario Tilman, esplika liu tan, atu fortifika implementasaun PNJ ne’e, MJDAK estabelese orgaun Konselu Nasional Juventude (KND), ne’ebe nia membrus kompostu husi ministeriu 7, ne’ebe responsabiliza pulitika konaba koezaun sosiais no prevensaun konflitus.

Liu husi serbisu hamutuk entre ministeriu 7 ne’e, tuir Mario, memrus KND halao atividades diskusaun progresu programas ministerius konaba estratejia dezenvolvimentu juventude universalmente.

Tuir planu asaun annual (PAA)  MJDAK nian, Mario informa, MJDAK apoiu fundus operasionais ba sentru juventude 13 no organizasaun 6, ho objetivu reforsa jestaun organizasaun, nune’e, jestor sira bele halao atividades formasaun regular ba foinsae sira, iha area  edukasaun, saude, joven no partisipasaun siviku, joven ho empregu no empregabilidade, joven krimi no violensia.

Sentru Juventude 13 ne’e, estabelese hotu iha kapital munisipiu 12 no organizasaun 6, kompostu husi  ADTL, JHN,  APFTL, CNJTL, ANCTL no UNE-TL.

Mario Tilman esplika, organizasaun sira halao atividades formasaun konaba prevensaun impaktu negativu husi konsumu tabaku hodi redusaun konflitu laos sai husi komponente ida deit. Maibe koalia konaba edukasaun pesoal ida konsumu alko, tabaku, la iha kampu de trabalho, ne'e tendensia ba konflitus.

Alende ne’e, jestores sentru juventude 13, tuir Mario, halao formasaun regular, oinsa  hasae konesimentu joven sira nia iha edukasaun sivika. Preoridade prinsipal husi MJDAK, Mario afirma,  hasae konesimentu joventude sira nian, liu husi formasaun, abilidade profesional, literasia, digitalizasaun no informatika.   

 Partisipa iha atividade ne'e,membru governo, PDHJ, PNTL, HADESTA, estudante UCT, estudante UNTL no seluk seluk tan.

Atividade ne'e organiza husi G7+ no UNDP. #MediaMjdac